Apple издаде итно предупредување до корисниците на iPhone да ги проверат своите поставки и веднаш да ја преземат најновата верзија на оперативниот систем iOS 18.
Имено, во најновото ажурирање беа откриени сериозни безбедносни недостатоци кои би можеле да им овозможат на хакерите пристап до чувствителни податоци без знаење на корисникот.
Apple потврди дека новата верзија на iOS 18.6.2 се препорачува за сите корисници бидејќи содржи важни безбедносни поправки. Преземањето на ажурирањето е лесно и може да се направи преку опцијата „Поставки > Општо > Ажурирање на софтвер“. Компанијата нагласува дека е свесна за софистицираните напади кои веќе ги искористиле одредени ранливости, особено насочени кон поединци.
Најновата закана се однесува на рамката ImageIO, каде што обработката на злонамерна датотека со слика може да доведе до оштетување на меморијата и да дозволи упад во уредот. Иако повеќето корисници нема да бидат засегнати, Apple предупредува дека ажурирањето е најдобриот начин да се заштитите од сите моментално познати закани.
Ажурирањето е достапно за iPhone XS и понови модели, како и за неколку модели на iPad, вклучувајќи iPad Pro, iPad Air трета генерација и понови, iPad 7-ма генерација и iPad mini 5-та генерација. Ова е само едно во низата безбедносни ажурирања што ги објавува Apple; на пример, во јули, iOS 18.6 донесе дури 29 поправки поврзани со ранливости, особено оние поврзани со прелистувачот Safari и системот CoreMedia.
За потсетување, во последните месеци се регистрирани бројни хакерски напади и протекување на податоци. Во мај беше откриено протекување на 184 милиони кориснички податоци, додека во јуни беше регистрирана најголемата позната кражба на податоци, во која беа протечени дури 16 милијарди лозинки. Затоа Apple ги повикува корисниците редовно да ги ажурираат своите уреди и дополнително да ги заштитуваат своите информации.
НАЈЧИТАНО НА ИНТЕРНЕТ...
