Кандидат за градоначалник или советник ќе може да биде секој, бидејќи за тоа ќе бидат потребни само 2 потписа.
Па така се отвори и прашањето колку луѓе би се пријавувале за кандидати, на оваа тема коментираше и премиерот Христијан Мицкоски.
„Сè е можно. Можно е гласачкото ливче да биде 7-8 метри, можно е гласачкото ливче да ги обесхрабри граѓаните да излезат на изборите и да се намали цензусот. Но, сакам да предупредам дека согласно Уставот и Законот, ако не е успешен избирачкиот процес, Владата е таа која именува владини повереници во Општините. Неодговорното однесување на поединци или на политички партии резултира со вакви можности. Дали тоа ќе се случи ќе видими многу скоро, до 1 септември треба да заврши овој процес,“ рече премиерот Христијан Мицкоски одговарајќи на новинарско прашање денеска во Драчево.
