Финскиот претседател Александар Стаб изјави дека на состанокот во Белата куќа е постигнат договор за безбедносни гаранции за Украина и понатамошни чекори.
„Коалицијата на волните веќе работеше на безбедносни гаранции и на тоа ќе го градиме и овој договор. Деталите треба да се разработат во следната недела. Главниот договор на вечерта беше дека убивањето мора да престане“, рече Стаб.
Тој додаде дека досега нема ништо конкретно во врска со учеството на САД и дека Доналд Трамп ќе ја информира јавноста за тоа.
Стаб, исто така, откри дека американскиот претседател сметал дека е добар потег да се јави кај Владимир Путин и да предложи билатерална средба меѓу Путин и Володимир Зеленски.
„Ќе видиме дали Путин има храброст да дојде на таков состанок, бидејќи не може да му се верува“, рече Стаб./Извор:Makfax
НАЈЧИТАНО НА ИНТЕРНЕТ...
