Владата до Собранието ги достави измените на Законот за полиција и Законот за внатрешни работи.
Согласно една од измените во Законот за полиција, се укинуваат Регионалните центри за гранични работи и полициските станици за гранични работи и истите ќе се припојуваат кон надлежниот Сектор за внатрешни работи.
Ова во суштина може да значи сериозно намалена контрола на границите, имајќи предвид дека за контролата е задолжена токму МВР преку граничната полиција.
Претопувањето на вработените во центрите и станиците за гранични работи во месното СВР ќе доведе до хаос во функционирањето, велат полициски извори.
Според изворите, неразбирливо е зошто се прави сето тоа, кога граничната полиција со години имала добри резултати препознаени како од раководството на МВР, така и од меѓународните партнери.
Оваа полициска единица во фокусот на јавноста се појави по мигрантската криза во 2015 година кога на јужната граница со месеци имаше навалица од мигранти од африканските држави, а сето тоа резултираше со воспоставување на единици од ФРОНТЕКС на македонската јужна граница.
НАЈЧИТАНО НА ИНТЕРНЕТ...
