Речиси два милиони Јапонци евакуирани поради цунами, брановите достигнаа висина од 1,3 метри

По силниот земјотрес што го погоди рускиот Далечен Исток со јачина од 8,8 степени според Рихтеровата скала, во Јапонија беше издадено предупредување за цунами, а речиси два милиони луѓе беа евакуирани, објавија јапонските медиуми.

Предупредување за цунами и бранови високи до три метри се во сила за тихоокеанскиот брег на Јапонија, од Хокаидо до Вакајама.

Бранови високи од 1,3 метри веќе се регистрирани во некои градови. Досега, 1,9 милиони луѓе се евакуирани низ цела Јапонија.