Раководителот на Главниот штаб за управување со кризи, Стојанче Ангелов, директор на ДЗС, вечерва лично присуствуваше на координативниот состанок на Штабот за заштита и спасување на Општина Берово што го раководеше градоначалникот Звонко Пекевски.
Притоа, на работниот состанок на општинскиот штаб, согласно извештаите за движењето и интензитетот на пожарот се одвиваше дискусија за планирање за справување со огнот. Практично, при пожарот во планината над Русиново, заради променливиот ветар, потоа и заради големи шупливи дрвја остани од минатите пожари, што горејќи паѓаат низ стрмнините, а и заради непристапност на теренот е отежнато справувањето со него.
Работниот состанок трае подолго, бидејќи ќе се разгледуваат повеќе опции за со комбинирани сили да се дејствува од раните утрински часови, како и со соодветна механизација, а и со воздухоплови што ќе бидат на располагање со кои ќе се координира од земја согласно конкретните дневни услови.
фото ДЗС
ПОПУЛАРНО НА ИНТЕРНЕТ...
