Во раните утрински часови избувнал вооружен конфликт меѓу Тајланд и Камбоџа, потврдија армиите на двете земји. Секоја страна ја обвинува другата дека прва отворила оган.
Според Тајландската армија, камбоџанските сили започнале со огнена размена во близина на храмот Та Моан Том, сместен во граничната зона на околу 360 километри од Бангкок. Тајландските власти истакнаа дека пред инцидентот, над нивна територија било забележано беспилотно летало, по што следел и влез на вооружени сили.
Дополнително, Тајланд обвини дека Камбоџа неодамна поставила мини во близина на граничниот премин – нешто што камбоџанските власти го негираат и го нарекуваат „неосновано обвинување“.
Портпарол на тајландската армија соопшти дека двајца нивни војници се ранети при престрелката и дека Камбоџа користела ракетни фрлачи.
Камбоџанската страна возврати дека токму тајландските трупи влегле на нивна територија и дека камбоџанските сили реагирале во самоодбрана.
Тајландскиот премиер Фумтам Вечајачаи го оцени инцидентот како крајно чувствителен.
„Мораме да постапуваме внимателно и да го почитуваме меѓународното право,“ изјави тој.
Ask ChatGPT
НАЈЧИТАНО НА ИНТЕРНЕТ...
