Хрватските пожарникари добиле повик за пожар на туристички брод во Макарска во 8:23 часот утрово. Горел бродот „Казанова“.
Полицијата потврдила дека пожарот започнал во кујната. „Далмација Данас“ дознава дека две лица побарале медицинска помош во Здравствениот центар во Макарска.
Неофицијално, дознале дека повредите се полесни изгореници.
„Започна со чад, а потоа се слушнаа сирени“, изјавил читател за „Далмација Данас“.
Полицијата и пожарникарите реагираа на местото на настанот. Пожарот е локализиран. Во тек е полициска истрага за да се утврди причината за пожарот./Извор:Makfax
