Македонски државјанин на 66-годишна возраст го загуби животот вчера попладне на плажа во близина на Каваја, недалеку од албанскиот град Драч, откако веднаш по влегувањето во морето доживеал срцев удар.
Според извештаите на албанската полиција, инцидентот се случил околу 19 часот. Очевидци сведочат дека мажот нагло се почувствувал лошо и за кратко време исчезнал под водата. Присутните веднаш интервенирале и го извлекле од морето, а на местото на настанот брзо пристигнала и екипа на итната медицинска помош. Сепак, лекарите само можеле да ја потврдат смртта.
Албанските власти продолжуваат со истрага за да ги утврдат сите детали и околности поврзани со трагичниот настан.
