Според најновиот извештај за пожари на отворен простор, заклучно со 07:00 часот на 14 јули 2025 година, во земјава се регистрирани вкупно пет активни пожари, додека 19 се целосно изгаснати. Во моментот нема пожари кои се ставени под контрола.
Најсериозни се пожарите во следните региони:
Општина Дојран, село Николич — зафатена е нискостеблеста шума.
Општина Чучер Сандево, село Горњани — гори нискостеблеста шума.
Општина Велес, кај селата Џидимирци и Крушје — пожар во мешана шума.
Општина Македонски Брод, помеѓу селата Црешнево, Локвица, Крапа и Слатина — зафатени се дабова шума, грмушки и ниска вегетација.
Општина Прилеп, населба Три Багреми — гори ниска вегетација.
Надлежните служби се на терен и активно работат на локализација и гаснење на пожарите. Граѓаните се повикуваат на внимателност и почитување на препораките за движење и престој во природа, со цел спречување на нови пожари и заштита на населението и животната средина.
НАЈЧИТАНО НА ИНТЕРНЕТ...
