Веќе наредниот вторник ќе имаме формирано Координативно тело за реализација на Договорот со Велика Британија. Министерството за финансии ќе започне процес за обезбедување на финансии и уверуваме дека ќе ја избереме најповолната опција за финансирање на проектите, истакна вицепремиерот Александар Николоски во вечерашното интервју во Топ Тема.
“ Очекувам до вторник да сме подготвени со првиот иницијален проект, а тоа е брзата пруга од Табановце до Гевгелија. Владата треба да го задолжи Министерството за финансии да обезбеди финансирање за проектот.
Следниот чекор би било Министерството за финансии низ еден транспарентен и конкуретнет дијалог да испрати барање за финансирање до сите релевантни меѓународни финансиски институции и тие да се натреваруваат меѓу себе која ќе понуди најдобри услови за финансирање. Ние мислиме дека тоа ќе е Велика Британија, но дај боже да се пријави некој што ќе понуди поинакви услови и поевтино финансирање. На пример ако Велика Британија понуди дека може да финансира 95 % од сумата по одредена камата, а се појави друга држава која може да финанисра 100 % од сумата по пониска камата, секако ќе ја избереме другата варијанта”- вели вицепремиерот Николоски.
Понатамошната постапка, како што потенцираше вицепремиерот Николоски ќе се избира Изведувач по Законот за јавни набавки.
“ Tеоретски ако тоа би било Велика Британија, после тоа се одбира Велика Британија како финансиер на проектот и влегуваме во реализација на проектот со избор на Изведувач и тоа преку нашиот Закон за јавни набавки што јасно ја утврдува процедурата како се избира Изведувач за вакви големи проекти. Тоа не е договор во четири очи, но не е ни класичен тендер каде може било кој да се јави, мора да се постават јасни критуриуми кој може да учествува бидејќи проектот мора да биде завршен и мораме да бидеме сериозни да не ни се случи Охрид – Кичево или слично. Но наједноставно за јавноста, тоа би бил конкурентен дијалог со компании кои ги исполнуваат условите, а ќе поставиме соодветни критеритуми”- вели вицепремиерот Николоски.
Споредувајќи ги договорите на Велика Британија со Труција и Србија, тој потенцираше дека тие се класични комерцијални договори кои ги следи финансирање со градба, додека во нашиот случај имаме политички договор, прв ваков договор потпишан во регионот и со кој ќе ни се понудат најповолни услови за финансирање.
ПОВЕЌЕ ОД ИНТЕРНЕТОТ...
