Еколошки интегритет, социјалната еднаквост и економскиот развој согласно ЕСГ стандардите се основа за креирање на одржливост во заедницата, но и за развој на секундарниот финансиски пазар. ЕОС Матрикс Македонија во континуитет работи на имплементирање на ЕСГ стандардите во рамките на своите активности, директно придонесувајќи за унапредување на безбедноста на финансискиот пазар, за зголемувањето на примената на иновативни алатки и за подигнување на финансиската писменост.
Досега се реализирани низа инвестиции во дигитализација и имплементација на иновативни алатки базирани на вештачка интелигенција, со што значително се зголемува ефикасноста на услугите, но истовремено се подигнува степенот на безбедноста на податоците. Компанијата прва го имплементираше меѓународниот стандард ISO 27701:2019 и е единствена компанија во финансискиот сектор која работи согласно високите принципи на заштита што ги гарантира овој стандард.
„Унапредување на бизнисот со побарувања, создавање на одржливи постулати и принципи за живот без задолжување, заштита на животната средина и намалување на климатските промени се четирите основни области во кои делува компанијата и создава услови за одржлив развој. Нашата компанија работи на развој на секундарниот финансиски пазар, а како една од најголемите компании на пазарот имаме и одговорност потенцијалот на овој пазар да го поставиме на високи стандарди по примерот на земјите од Европската унија. Искуството од нашата групација ни дава сериозна конкурентска предност. Интензивно работиме и на зајакнување на соработката со сите наши партнери, бидејќи сметаме дека е тоа важен процес, особено во пресрет на законските измени кои ќе се однесуваат и на ЕСГ стандардизацијата“, изјави д-р Катерина Бошевска, генерална директорка на ЕОС Матрикс Македонија.
На почетокот на годината ЕОС Матрикс Македонија ја лансираше апликацијата „My EOS“, која е специјално развиена за потребите на корисниците, користејќи ги сите информации на едно место. За само неколку месеци бројот на корисници на оваа апликација се зголеми, а „My EOS“ придонесе и за поголема ефикасност во менаџирањето на личните побарувања.
Согласно ЕСГ принципите, ЕОС Матрикс Македонија работи на зајакнување на финансиската писменост кај младите, како основа за иден економски раст. Покрај тоа, преку низ различни активности се работи и на намалување на CO2 емисиите, а се врши и влијание на намалувањето на овие емисии преку креирање на соодветна индустриска политика.
ЕОС Матрикс Македонија е членка на „ЕОС Груп“ која делува на пазарите во преку 20 земји и вработува 6.000 лица ширум Европа.
