Загрепската полиција пријави 45-годишен полицаец осомничен дека десет години сексуално ја злоупотребувал својата вонбрачна партнерка и подведувал други мажи, меѓу кои и двајца кои исто така биле пријавени за кривични дела против сексуалната слобода.
Полициската управа (ПУЗ) во Загреб соопшти дека спроведе кривична истрага против полицаецот за повеќе кривични дела против сексуалната слобода и бракот, семејството и децата и против двајца мажи за кривични дела против сексуалната слобода.
Осомничениот полицаец веќе бил отстранет од службата поради сомнение дека сторил тешка повреда на службената должност.
По завршување на кривичната истрага, тројцата осомничени се предадени на притворниот надзорник и кривично пријавени во државното обвинителство.
Од полицијата нагласуваат дека не можат да соопштат повеќе детали само заради заштита на достоинството на жртвата и секундарна виктимизација, пренесува Хина.
Посочуваат дека довербата на жртвата е првиот чекор кон одлуката за пријавување на криминално однесување и дека полицијата секогаш „со апострофиран однос на нулта толеранција кон насилството“ презема мерки и дејствија од нивна надлежност.
Според медиумите, сега веќе поранешниот полицаец ја силувал својата вонбрачна партнерка речиси 15 години и ги повикувал своите познаници сексуално да ја нападнат./Извор:Makfax
