Centar.mk
МАКЕДОНИЈА

За трагедијата во Кочани со 59 жртви осомничени се 34 лица

Вкупниот број осомничени за пожарот во дискотеката „Пулс“ во Кочани засега е 34 физички лица, откако вчера државниот јавен обвинител Љупчо Коцевски соопшти дека е отворена истражна постапка против 27 физички и три правни лица, по првите истражни постапки против седум полициски службеници од СВР Штип и ПСОН Кочани.

Во првата фаза во постапувањето на МВР и Обвнителството, поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.

Од обвинителството со завршување на истрагата ќе се разјаснат сите околности и факти за причината за пожарот, кој го предизвикал, начинот на предизвикување и со кое пиротехничко средство.

Лицата се сомничат за кривично дело за кое е предвидена казна од најмалку три години, што значи дека максимумот на казната е 20 години, а се сомничат дека како соизвршители, изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа./Извор:Makfax

Можеби ќе ве интересира

ТАТКО НА 85 ГОДИНИ ПРИЈАВИЛ ДЕКА ГО НАПАДНАЛ СОПСТВЕНИОТ СИН – Случај во прилепско

ДЕСК

РАСПРАВИЈА ВО ДОМОТ ПРЕРАСНАЛА ВО ФИЗИЧКИ НАПАД – 42-годишник приведен во Охрид

ДЕСК

ИМАЛ СУДСКА ЗАБРАНА, НО БИЛ ЗАТЕКНАТ ВО КУЌАТА НА БРАТОТ – Кривична пријава

ДЕСК