12. октомври 2025
Centar.mk – Вести, бизнис, забава, спорт…
ЛОКАЛНО

Битолскиот совет изгласа финансиска помош за семејствата на настраданите и повредените во Кочани

На вонредната седница на Советот на општина Битола, советниците изгласаа да се донесе одлука за еднократна фиансиска помош на семејствата на настраданите и повредените во немилиот настан во Кочани.

Градоначалникот на општина Битола Тони Коњановски уште еднаш изрази длабоко сочувство за случувањата на 16 март во Кочани.

„Битола е град на солидарноста. Како и секогаш, заедно со сите советнички групи, претседателката на Советот и координаторите, се одлучивме за оваа иницијатива, која претставува скромна помош за семејствата на настраданите и повредените лица“.

Претседателката на Советот Габриела Илиевска истакна дека е донесена одлука да се издвојат два милиони денари, од кои еден милион ќе бидат одвоени за семејствата на починатите, а еден милион ќе бидат наменети за повредените лица во пожарот.

Битола сочувствува со болката на семејствата на настраданите и повредените лица и уште еднаш, советниците, преку единство, покажаа достоинство и почит за една од најголемите трагедии во земјава.

Можеби ќе ве интересира

Герасимовски: Центар е единствена општина што оформи свое јавно претпријатие за производство и продажба на електрична енергија „Енергија Центар”

C +

Јакимовски: Фотоволтаичните панели не се шминка, туку вистинска работа

C +

Герасимовски: За странските дипломати мора да важат истите прописи за паркирање како и за сите други граѓани во Центар

C +
error: Соддржината е заштитена.