Centar.mk – Вести, бизнис, забава, спорт…
МАКЕДОНИЈА

Герасимовски: Најдлабоко сочувство до семејствата на загинатите, Општина Центар стои на располагање да помогне на Општина Кочани и на сите граѓани

Градоначалникот Горан Герасимовски изразува најдлабоко сочувство до семејствата, роднините и пријателите на загинатите во големата трагедија во Кочани и истакнува дека Општина Центар стои на располагање за да помогне на Општина Кочани и на сите граѓани.

„Со голема тага и неверување утринава ја примив веста за трагедијата во Кочани, во која млади животи беа прерано згаснати. Најдлабоко сочувствувам со семејствата, роднините и пријателите на загинатите во оваа страшна несреќа. Ова е ненадоместлива загуба, болка што ја чувствува цела Македонија. На повредените лица, кои се под медицинска нега, им посакувам брзо и целосно закрепнување. Во моменти на ваква тага, најважно е да бидеме заедно, да се поддржуваме и да си помагаме. Општина Центар стои на располагање за да помогне на Општина Кочани и на сите граѓани на кои е потребно. Солидарноста е неопходна во овие тешки моменти. Нашите срца и мисли се со вас“, вели Герасимовски.

Можеби ќе ве интересира

ПРОЛЕТ СРЕДЕ ЕСЕН: Температурите ќе скокнат и до 24 степени – Синоптичарите објавија повеќедневна прогноза

ДЕСК

Расчистено намерно опожарување автомобил во Скопје, постапка против едно лице

ДЕСК

Српски камион се заби во објект на царинската управа – оштетен е кровот и рампата

ДЕСК