Унгарскиот премиер Виктор Орбан го исмеа амбициозниот нов план на ЕУ за големи дополнителни трошоци за одбраната, предупредувајќи дека тоа може да ја „уништи Европа“.
Говорејќи на државното радио утринава, Орбан рече:
„Ако САД сега се повлечат од финансирањето на војната, како би можеле преостанатите 26 членки на ЕУ да ја истуркаат оваа војна до крај? Денес изгледа како да ставив вето. Но, за неколку недели тие ќе се вратат со истиот предлог и тогаш ќе се покаже дека едноставно нема пари за овие цели“, рече тој.
Тој додаде дека начинот на кој ЕУ се обидува да ја поддржи Украина, додека истовремено ги зголемува сопствените воени трошоци, е „рецепт за уништување на Европа“.
Орбан, кој од почетокот на војната одбива да испрати оружје во Украина и одржува блиски односи со Москва, смета дека Европа треба да ги поддржи мировните преговори на Доналд Трамп наместо да го одолговлекува конфликтот./Извор:Makfax
НАЈЧИТАНО НА ИНТЕРНЕТ...
