Во време кога животниот стандард на граѓаните е загрозен поради погрешните економски политики на Владата, СДСМ како одговорна опозиција подготви и ќе предложи сеопфатна економска стратегија, порача претседателот на Социјалдемократскиот сојуз на Македонија, Венко Филипче, на денешниот брифинг со претставниците на медиумите.
Филипче предложи сет од седум мерки, кои како што кажа веќе се преточени во законски измени.
Една од мерките е намалување на цената на „зелениот картон“ за моторните возила.
„Предлагаме намалување на цената на „зелениот картон” за автомобили. Семејствата и малите бизниси кои зависат од транспортот, со ова директно добиваат намалување на трошоците. Фискален ефект ќе изнесува меѓу 9 и 11 милиони евра годишно пари назад кај граѓаните”, рече Филипче.
Тој додаде дека Владата не презема ништо и нема никаква стратегија за подобрување на животниот стандард на граѓаните.
ПОПУЛАРНО НА ИНТЕРНЕТ...
