Претседателката Гордана Сиљановска-Давкова, по повод одбележувањето на Христовото раѓање – Божиќ, присуствуваше на Архиерејската Златоустова литургија во Соборниот храм „Св. Климент Охридски“ во Скопје, со која чиноначалствуваше архиепископот охридски и македонски, г. г. Стефан.
По завршувањето на божествената литургија, претседателката Сиљановска-Давкова во разговор со верниците го упати традиционалниот поздрав „Христос се роди, навистина се роди!“, споделувајќи празнични желби за мир, радост и благосостојба во секој дом.
„Се надевам дека, како што архиепископот неколкупати напомена, ѕвездата од Витлеем нè води и дека најдоброто во нас ќе го разбуди овој ден. Посакувам вечен да е!“, порача претседателката Сиљановска-Давкова во изјавата во Соборниот храм.
ПОПУЛАРНО НА ИНТЕРНЕТ...
