На 31.10.2024 година, во Министерството за внатрешни работи се одржа средба помеѓу Директорот на БЈБ, г.Александар Јанев и Амбасадорот на Катар во Скопје.
Во текот на состанокот се дискутираа прашања од аспект на зајакнување на полициската соработка помеѓу двете држави, поддршка во областа на обуките за полициските службеници, со акцент на сајбер-безбедноста, како и разгледување на катарскиот модел за модернизација и примена на развиени технологии во делот на полициското постапување.
Една од темите беше и изборот на нови членови на Извршниот Комитет на ИНТЕРПОЛ, што ќе се случи во текот на Генералното Собрание на ИНТЕРПОЛ наредната недела во Глазгов, Шкотска.
Македонската полиција останува посветена на продлабочување на меѓународната полициска соработка со сите релевантни партнери на глобално ниво, но и кон збогатување со најдобри практики и примена на софистицирани методи и алатки во сите сфери за современото полициско работење.
ПОПУЛАРНО НА ИНТЕРНЕТ...
