На 26 октомври 2024 година, во 16 часот, во СВР Скопје било пријавено дека на крстосницата од улиците „Јужноморавски бригади“ и „Среќко Пужалка“ во Скопје се случила сообраќајна несреќа помеѓу патничко возило „Фолксваген“ со скопски регистарски ознаки и мотоцикл, исто така со скопски регистарски ознаки.
Во несреќата, 24-годишниот мотоциклист се здобил со тешки телесни повреди и е пренесен во Градската општа болница „Св. Наум Охридски“. На местото на несреќата бил извршен увид од увидна екипа на СВР Скопје, која ги истражува причините за инцидентот.
