Со ова ја известуваме јавноста за нашата колективна оставка од позициите членови на комисијата за помилување. Оваа одлука ја донесовме во согласност со нашите лични и професионални принципи, напиша професорот Гордан Калајџиев.
Членови на комисијата за помилување кај претседателката Гордана Сиљановска-Давкова беа и: д-р Методија Каневчев (претседател), проф. д-р Арлинда Кадри- Шахиновиќ, д-р Зора Митиќ, м-р Ана Ѓорѓиева-Ивановска и Ајтен Шаќири.
По повод денот на Македонската револуционерна борба, претседателката Силјановска на 22-ри месецов помилува десетмина осуденици, за што јавноста жестоко реагираше.
Сепак нема повлекување на помилувањата, едно од лицата кои беа ослободени, веднаш беше уапсено затоа што беше осомничен за вооружен инцидент во Чаир.
