Израелската армија денеска објави дека пешадиските и оклопните единици им се приклучуваат на копнените операции во јужен Либан, но повтори дека операцијата ќе биде ограничена.
Израел еден ден претходно објави дека неговите командоси и падобранци ја преминале границата, што беше прво јавно признание за копнените операции во Либан.
Војската подоцна објави дека нејзините специјални сили со месеци спроведувале прекугранични рации на цели на Хезболах откривајќи тунели и складишта за оружје под куќите.
Приклучувањето на пешадијата и вооружените единици на 36. дивизија, вклучително и бригадата „Голан“, 188. оклопна бригада и 6. пешадиска бригада, покажува дека операцијата е проширена надвор од тие командоски извидувања.
Израелската армија тврди дека целта на копнените операции е првенствено да се уништат тунелите и другата инфраструктура во близина на границата и дека нема планови за поширока операција, чија цел би бил Бејрут или поголемите градови во јужен Либан./Извор:Makfax
ПОПУЛАРНО НА ИНТЕРНЕТ...
