Centar.mk
РЕГИОН

Албанскиот парламент по маратонска расправа со 106 гласови “за” ја изгласа новата изборна реформа

Албанскиот парламент по маратонска расправа, доцна синоќа, со 106 гласови “за” ја изгласа новата изборна реформа.

За гласаа пратениците од владејачкото мнозинство и опозициските демократи на Сали Бериша, додека демократите на Љуљзим Баша беа за целосно отворени листи, обвинувајќи за таен договор меѓу СП и ДП, нарекувајќи го “атентат врз демократијата”, со кој му е обезбеден четвртиот мандат на Еди Рама.

Со новиот закон, на парламентарните избори следната година, од 140 пратеници, колку што брои законодавниот дом, една третина ќе се избираат со отворени листи, останатите според мнозински систем.

Изгласан беше и амандманот со кој 30 отсто или секој трет кандидат на листите да биде жена, што експресно го поздрави мисијата на ОБСЕ во Тирана, оценувајќи го како напредок во родовата рамноправност во земјата.

Исто така со законот за првпат се обезбедува гласање на албанската дијаспора, која ова право ќе го оствари преку пошта, откако претходно ќе се пријави за тоа./Извор:Makfax

Можеби ќе ве интересира

ЦРНА ГОРА СÈ ПОБЛИСКУ ДО ЧЛЕНСТВО ВО ЕУ – Затворени уште две поглавја, вкупно 25 од 33

ДЕСК

СРПСКИОТ ПАРЛАМЕНТ И ПО ВТОРИОТ ДЕН БЕЗ ПРЕТСЕДАТЕЛ – Продолжението е закажано за 19 ноември

ДЕСК

ОТКРИЕН МАСОВЕН КИБЕРУПАД ВРЗ БУГАРСКИТЕ ИНСТИТУЦИИ – Извлечени податоци еквивалентни на 62 милиони страници

ДЕСК