Centar.mk
вестМАКЕДОНИЈА

Заев од Атина: Руската агресија врз Украина ни покажа дека мирот не е нешто што ни е дадено за навек

„Пред само неколку години беше апсурдно да се организира конференција во 21 век, која е за мир и одржлив развој. Особено по двете големи светски војни во минатиот век, по војните во делови од светот кои беа за заштита на демократијата од опасноста на автократските и тоталитарните режими“ рече поранешниот премиер Зоран Заев на Меѓународната конференција за мир и одржлив развој во Атина.

Тој додаде дека сепак по руската воена агресија врз Украина, мора да го прифатиме фактот дека мирот не е нешто што ни е дадено за навек.

„До вчера ја славевме Еввропа како континент на мир, а денес се соочуваме со закани од војна на истокот од континентот. Тие закани имаат потенцијал да го загрозат мирот на целата планета. Овие закани стануваат пореални кога се гледаат и во перспектива со вооружениот конфликт во Израел“ рече Заев.

Тој додаде дека ако Европа е адвокат на мирот и демократијата, кои се нејзини темелни вредности, тогаш наша обврска, за иднината на Европа, треба да биде одбраната на тие вредности, инвестирањето во мир, дијалог, соработка, компримис и разбирање.

„Поддржувањето на Украина во војната против агресорот Русија е војна на вредности. Треба да се направи се што е потребно и да се даде целата поддршка на демократските сили на Украина за целосно да се одбранат од агресивноста на автократска Русија“ рече Заев.

Можеби ќе ве интересира

МИЦКОСКИ НА СОСТАНОК СО ГЕРМАНСКИОТ КАНЦЕЛАР МЕРЦ – Македонија ја потврди поддршката за праведен и траен мир во Украина

ДЕСК

СИЛЕН ВЕТЕР НАД 80 КМ/Ч ЈА ЗАФАЌА МАКЕДОНИЈА – УХМР предупредува на обилни дождови во текот на ноќта

ДЕСК

ТЕПАЧКА МЕЃУ ЧЕТВОРИЦА ВО КРУШЕВСКО СЕЛО – Нарушен јавниот ред и мир, следуваат поднесоци

ДЕСК