1. август 2025
Centar.mk – Вести, бизнис, забава, спорт…
вестМАКЕДОНИЈА

Средба на претседателот Африм Гаши со амбасадорката Вероник Хулман

Претседателот на Собранието на Република Северна Македонија, Африм Гаши, денеска оствари прва средба по изборот на функцијата со амбасадорката на Швајцарија Н.Е. Вероник Хулман.

Претседателот Гаши изрази задоволство за политичките односи на двете земји, кои се карактеризираат со пријателство и разбирање, но и отворен дијалог.
Транспарентноста и пријателскиот однос со Сојузниот парламент на Швајцарската Конфедерација со Собранието на Република Северна Македонија со сигурност ќе продолжи во периодот што следи – истакна Гаши.

Посебен акцент претседателот Гаши стави на трудот на Швајцарската влада во соработка со Амбасадата на Швајцарија во РСМ, кои преку проекти продолжуваат и понатака да обезбедуваат поефикасно и потранспарентно функционирање на Собранието на Република Северна Македонија.

Честитајќи му го изборот на Гаши за претседател на Собранието, амбасадорката Улман изрази благодарност за остварената средба и очекување дека новиот парламентарен состав ќе работи посветено на остварување на стратешката цел на земјата за полноправно членство во Европската Унија.

Амбасадорката Улман изрази надеж дека одличната соработка на двете земји ќе продолжи и понатака, но и на повеќе нивоа. Уште еднаш силно даде поддршка за државава за евроинтеграцискиот процес, сметајќи дека на Република Северна Македонија, како и на другите земји на Балканот, местото им е во ЕУ.
Соговорниците беа одлучни дека ќе продолжат одличните билатерални односи и бројните развојни проекти.

Можеби ќе ве интересира

Мицкоски вели дека во споредба плата-трошоци за живот, подобри сме од Грција, Португалија, Кипар, Унгарија…

ДЕСК

Голема полициска акција вечерва кај патарината кон Куманово, сообраќајот во колапс

ДЕСК

СВЕЖО И НЕСТАБИЛНО ВРЕМЕ И СЛЕДНИТЕ ДЕНОВИ, ОД ВТОРНИК ПРЕСВРТ – Метеоцентар со неколкудневна прогноза

ДЕСК