Африм Гаши е избран за претседател на Собранието на Македонија.
Беше изгласан со 76 гласа ,,за”, а ,,против” гласаа само шест пратеници.
Со неговиот избор и давањето на свечената заклетва заврши конститутивната седница на Собранието. За новата функција Гаши беше предложен со потписи од 75 пратеници од ВМРО-ДПМНЕ, Коалицијата „Вреди“ и Движењето ЗНАМ – „За наша Македонија“.
Претходно Амар Мециновиќ од Левица, рече дека токму Гаши ја спаси минатата влада да не падне и сега го крунисува тоа со нова функција, а во последните 100 дена ќе биде и премиер.
Неговиот сопартиец Борислав Крмов забележа дека со измените на Деловникот на Собранието ќе се носат закони по брза лената и оти е ограничена дебатата.
Димитар Апасиев исто така од Левица рече дека денешната седница на Собранието е вовед во косовизацијата на македонскиот парламент и бугаризацијата на земјава./Извор:Makfax
