Турчин заврши во болницата во Гостивар: Играјќи, изгубил рамнотежа, па за да се задржи, се фатил за остар предмет

Дваесет и тригодишен државјанин на Турција со повреда од остар предмет бил примен во гостиварската болница.

Според пријавеното, тој ја добил повредата во станот во кој привремено престојува во Гостивар со двајцата свои сонародници Е. Н. (20) и Т. Н. Е. (21).

Како што е пријавено, играјќи, изгубил рамнотежа и за да не падне, се фатил за работната маса на која имало остар предмет.

Се расчистува и документира случајот, велат од СВР Тетово.