Собранието по скратена постапка вчера ги усвои измените на Законот за аудио и аудиовизуелни медиумски услуги со кои се предвидува повторно воведување на државно рекламирање во земјата.
За законските измени гласаа пратениците и од власта и од опозицијата.
СДСМ го критикуваа рекламирањето на владините кампањи во медиумите за време на Груевски и во 2017 година беше укинато, како нивно предизборно ветување.
Медиумските здруженија ЗНМ И ССНМ сметаат дека воведувањето на државното рекламирање во приватните медиуми значи враќање на клиентелистичките и коруптивни практики од минатото,со исклучително штетни последици за независноста на медиумите и пошироко за слободата на изразување.
Медиумските здруженија кои се против враќањето на владините кампањи во медиумите и кои предупредуваат на штетните ефекти од сето тоа, ја алармираа ЕУ и бараат од претседателот Стево Пендаровски да не го потпишува законот.
