„Се подготвуваме за најголемата дигитална акција. Имаме план и платформа за да го рашириме гласот за подобра, за европска, за безбедна и напредна Македонија. Гласот за подобар живот, за подобри работни места и плати кои нема да престанат да растат,“ пишува во објавата на Фејсбук страната на СДСМ.
Во објавата стои и дека СДСМ со новите технологии и преку социјалните мрежи, со посветеност и здружени сили работи за победа на најсилната европска опција во земјава.
„Секој член, секој поддржувач, секој граѓанин со европска и демократска мисла е добредојден и потребен во оваа наша заедничка битка. Го шириме социјалдемократскиот глас!,“ објавуваат социјалдемократите на социјалните медиуми.
