Во 2017 година кога ја презедовме власта, затекнавме 25% опфат на децата кои се во предучилишно образование и еден од нашите главни приоритети беше зголемување на опфатот на децата во предучилишно образование, порача заменик министерката за труд и социјална политика, Јованка Тренчевска за Слободен Печат.
„Од 2017 година до денес отворивме 83 градинки и за прв пат отворивме градинки и во руралните средини, Едно општество за сите ни е водилка во процесот секое дете да има пристап до градинките. Вчера бевме во Општина Центар каде се гради нова градинка, а во завршна фаза се уште неколку градинки и тоа влијае на намалување на листите на чекање особено во Град Скопје. Но да потсетам претходно отворивме две градинки во Ѓорче Петров, во Аеродром во Кисела Вода…Во 2023 година одделивме 4 милиони евра за нови градинки во општините Бутел, Кисела Вода, Ѓорче Петров, Аеродром и Карпош” рече Тренчевска.
Денес, додаде Тренчевска, за разлика од 2017 година опфатот на деца во предучилшно образование е 50% со тенденција да продолжи да расте, а тоа освен што влијае на детската заштита, влијае и на намалување на невработенсота, затоа што во новоотврените граднки се вработува нов стручен кадар.
