Во текот на изминатите 24 часа и последните тројца наши граѓани, мајка сo две деца, се евакуирани и со тоа се заокружува бројот на нашите граѓани со кои нашите дипломатски конзуларни претставништва во Каиро и Тел Авив стапиле со намера да им се обезбеди асистенција при евакуацијата.
Од Министерството за надворешни работи велат дека мајката и децата претходно по сопствен избор останале во Газа, на нивно барање.
По привремено удомување во Каиро, семејството ќе биде упатено кон дома, велат од МНР.
Министерството упати благодарност до канцеларијата на Меѓународната организација за миграции (ИОМ) за нивната асистенција при трансферот на нашите државјани од египетскиот главен град Каиро до Скопје.
Министерството потсетува на нашите контакти за пријава на евентуални наши државјани во Газа. СОС-телефони на МНР – 075/273-732 и 075/268-736, дежурниот телефон на Амбасадата во Тел Авив +972-54-926-7378 и дежурниот телефон на Амбасадата во Каиро +201033615542.
НАЈЧИТАНО НА ИНТЕРНЕТ...
