Во студиото на Слободен печат утрово гостин беше Рубин Земон, директор на Центарот за напредни истражувања кој од 17 до 19 јануари во Битола и Охрид организира Меѓународна конференција за промоција на тврдата и мека моќ, преку кулурата и културното наследство, заштитата на животната средина и туризмот.
Во гостувањето Земон зборуваше за тоа што е тврда, што мека а што остра моќ во меѓународните односи и како тие влијаат врз општествата. во организација на Центарот за напредни истражувања
„Мека моќ, е една теза која е поставена во 80тите години во САД а тоа значи дека државите во димпломатијата наместо да прибегнуваат кон милитанти методи (тврда моќ) треба да промовираат меки методи а тоа е преку културата и културните вредности, преку инвестициите во економијата, со што ќе се направи подобар свет. Еден од најпознатите методи на мека моќ што се случила многу порано од дефинирањето на тезата е Маршаловиот план по Втората светска војна што САД ја примени во педесеттите години од минатиот век“ посочи Земон.
Според него Меката моќ е отворен глобален пазар каде некои земји стратешки се поставуваат, а некои немаат стратегија како да се постават во тоа ширење на влијание преку култура, туризам, економија и слично.
