Дирекорот на ЦУК Стојанче Ангелов во Институтот за трансфузиона медицина денеска даруваше крв и порача секој кој може а нема здравствени ограничувања да дарува.
„После тешкото ранување во борбата за Арачиново во 2001-та, во салата за хируршки интервенции примив некој литар туѓа крв. Благодарение на неа останав жив.
Доколку немате здравствени ограничувања дарувајте крв барем еднаш во животот. Повеќе пати, уште подобро. Вашата крв ќе спаси некој живот. Можеби вашиот или животот на некој вам близок човек“, напиша Ангелов на Фејсбук.
Тој додаде дека несреќите се случуваат тогаш кога најмалку ги очекуваме.
