Никому не треба да му пречат нечии роднински врски, ако некој професионално си ја врши работата, ако ги поминал соодветните селекции и обуки вели за плусинфо председателот на синдикатот на М-НАВ Александар Тасевски на изјавата на премиерот дека во М-НАВ имало и семејни врски посочувајки дека таму работел таткото на Тасевски а потоа се вработиле и сега работат и тој и неговиот брат.
Премиерот треба повеќе да се заинтересира за оние партиски вработувања каде кандидатите се примаат без конкурси, без квалификации, без знаење, кои ништо не работат или воопшто не доаѓаат на работа, а редовно земаат плата – вели Тасевски .
„Со таа институција треба посериозно да се позанимава, не само Владата, туку и ‘Еуроконтрол’. Нивното финансирање е од „Еуроконтрол’. Таму има неколку аспекти кои што треба да се анализираат и да каде што треба да се интервенира Таа фирма сметам дека е станата како семејна фирма, бидејќи кога ќе погледнете таму има до трето колено запослувано. Претседател на синдикат, татко му работел таму, он работи таму и брат му работи таму. На крај тие станале како семејство во кое што имаат конфликти кои што обично се случуваат по дома на луѓе. Премногу случајности има во таа организација кои што имплицираат дека тие случајности не се случајни“, рече Ковачевски, одговарајќи на новинарско прашање на настан во Сарај.
