Претседателот Стево Пендаровски нема да има предност во трката за претседателски кандидат во СДСМ.
Премиерот Димитар Ковачевски рече дека во партијата е почната процедурата за номинација на кандидатите за претсдетел и сите имаат еднаква стартна позиција.
„Пендаровски успешно го заврши претседателскиот мандат, ги поддржа евроинтеграциите и сите граѓани ги третираше со еднаква почит, во моментов може да зборувам за врендостите кои би ги дал заедничкиот кандидат, но не можам да прејудицирам кој би бил. Тоа е неетички“, рече Ковачевски одговарајќи на новинарски прашања.
Пендаровски вчера изјави дека одлуката дали ќе се кандидира за втор мандат ќе ја донесе во втората половина на февруари.
