Вработена во болницата во Тетово неовластено снимала пациентка хоспитализирана на одделенијата: полицијата ја приведе

Полициски службеници на СВР Тетово, синоќа, околу 20.10 часот лишиле од слобода 46-годишна жена од тетовска Брвеница.

Таа претходно била пријавена од 47-годишник од тетовско Слатино дека во тетовската Клиничка болница, каде што била вработена, неовластено ја снимила неговата сопруга, која била хоспитализирана на едно од одделенијата.

Снименото потоа го објавила на социјалните мрежи.

Задржана е во Полициската станица Тетово за расчистување и документирање на случајот, соопшти полицијата.