-По две години од мандатот на локалната власт на ДПМНЕ во 40-тина општини во државата заклучокот е поразителен: нула резултати, безброј нереализирани проекти и неисполнети ветувања, задолжени и партизирани општини, повисоки сметки за граѓаните, соопшти СДСМ.
„Разочарувањето на граѓаните е уште поголемо, бидејќи наместо прогрес и проекти за унапредување на општините, добија назадување и повисоки сметки за комунални услуги.
Во Велес 100% ги поскапеа цените за собирање на отпад. Во Битола данокот на имот е покачен за 300 %.
Прилепчани плаќаат и до 300 отсто повисок данок на имот, сметките за комунални услуги се поголеми за 67 отсто, поскапени се и паркингот и јавниот градски превоз.
Во Ѓорче Петров сметките за комунални услуги се зголемени за 300%, во Бутел за 150%.
Градоначалниците на ДПМНЕ удрија по џебот на граѓаните и во Штип, Охрид, Неготино, Гевгелија и во други општини.
Додека ги зголемуваат сметките за граѓаните, градоначалниците на ДПМНЕ се луксузираат, како градоначалникот на Охрид, кој е на ексклузивно крстрење или првиот човек на Кисела Вода, кој носи часовник од 8.000 евра и даваат тендери на сопартијци и роднини, како градоначалникот на Штип.
ДПМНЕ покажа уште еднаш како практицира власта. Преку своите градоначалници докажува дека е непроменета партија, дека не и се битни интересите на граѓаните туку единствено партиските и личните бизнис интереси.
ДПМНЕ на је оправда довербата на граѓаните
ДПМНЕ ја има најнеспособната локална власт досега.“ – се вели во соопштението.
