Надворешната канцеларија за криминалистички работи Струга поднесе кривична пријава против лице (36) од Скопје, поради постоење основи на сомнение за сторени 11 кривични дела, од кои осум кривични дела „измама“ и три „измама во обид“.
Пријавениот, во период 13.01.2022 до 30.10.2022, измамите ги вршел преку мобилен телефон, при што од оштетените противправно присвоил пари во висина од 529.650 денари.
Бонус видео:
Пријавениот довел во заблуда и измамил 11 физички лица, така што лажно се претставувал и нудел разни услуги при купопродажба на возила, купување градежни материјали, прехранбени производи, превоз на стока, превод на документација и слично.
