19. септември 2025
Centar.mk – Вести, бизнис, забава, спорт…
МАКЕДОНИЈА

Седуммина судии потпишаа свечени изјави на судовите со кои ќе раководат

Седумте судии што минатата недела беа избрани за претседатели на судови денеска потпишаа свечени изјави во Судскиот совет.

Тоа се судиите: Бесник Авдија, кој е претседател на Основниот граѓански суд Скопје, Татјана Петровска, која е претседател на Основниот суд Битола, Билјана Толова од Основниот суд Неготино, Флутурије Дервиши од Основниот суд Кичево, Орце Јанковски од Основниот суд Крива Паланка, Јасмина Шишковска-Стојковиќ од Основниот суд Прилеп и Ацо Тасев од Основниот суд Штип.

Некои од судиите, Јасмина Шишковска и Флутурије Дервиши и судијата Бесник Авдија, претходно ја извршуваа функцијата в.д. претседатели на конкретните судови.

По потпишувањето на свечените изјави, претседателот на Судскиот совет, Сашко Георгиев, им посака среќа и успех на новоизбраните претседатели на судовите порачувајќи дека мора да бидат одговорни во судовите во кои се избрани.

Можеби ќе ве интересира

Утрото ведро и посвежо, преку денот сончево

C +

Каранфилова Пановска: Владата на ВМРО-ДПМНЕ е директно одговорна за еколошкиот хаос во Вардариште и Дрисла

C +

Каранфилова Пановска: Тошковски мора да сноси одговорност за серијата трагични случаи во изминатите 15 месеци

C +