Најмалку осум лица се повредени во сообраќајната незгода што се случи попладнево во 14:50 часот на регионалниот пат Велес – село Извор меѓу две комбиња.
Лицата се со повреди на главата од ударот во стаклото од двете возила и, според првичната информација, се вон животна опасност.
По укажаната прва помош сите лица се однесени во Општата болница – Велес.
Во болницата се уште се вршат прегледи на донесените осум лица и на уште неколкумината повредени во сообраќајката кои сами дошле или биле донесени со приватни коли во Болницата.
Сообраќајката се случила меѓу патничко и товарно комбе во 14:50 часот после раскрсницата кон селото Војница на угорницата кон Чашка.
Регионалниот пат Велес – село Извор најпрво беше блокиран за сообраќај, а од 17:00 часот, како што информира АМСМ, се одвива наизменично, велат првите податоци.
