„Лајка“: Рекорден број стерилизирани кучиња за октомври

Во октомври во ЈП „Лајка“ беа стерилизирани и кастрирани 134 кучиња, од кои 82 женки и 52 мажјаци, а беа удомени 37 кучиња.

„Со овие спроведени кастрации и стерилизации сме превенирале разможување на 134 кучиња, односно на 134 здрави репродуктивни единки. Со тоа се намалува стапката на бездомни кучиња на улиците, ЈП ‘Лајка’ продолжува да работи во служба на граѓаните“, објави претпријатието.

Ги охрабруваат граѓаните да пријават бездомно куче за стерилизација/кастрација во ЈП „Лајка“, на имејлот info@lajka.com.mk или на нивните телефонски бреови 02/2 56 58 59 и 071/219 925.