Министерството за надворешни работи ја поздравува одлуката за отворање на граничниот премин Рафа, со што се овозможува евакуација на странските државјани, вклучително и петте државјани на Република Северна Македонија.
„Како што претходно информиравме, нашите државјани што се наоѓаат во Газа веќе се вклучени во списоците за евакуација и тоа очекуваме набргу да се реализира во согласност со околностите на терен и динамиката на евакуација имајќи го предвид големиот број странски државјани во Газа, кои се дел од оваа операција“, велат од МНР.
Преку тесна и континуирана комуникација со надлежните институции на Египет и Израел, како и со нашите државјани, Министерството за надворешни работи е непосредно и континуирано активно вклучено со цел нашите државјани да бидат безбедно и навремено евакуирани.
