„Извештајот на Европската комисија го гледаме како реално огледало и претстава за тоа што се случува. На него работиме и ние цела година, како и ЕУ со свои извори и анализи. Очекувам да бидат претставени сите позитивни работи, успеси, но и слабости“ рече вицепремиреот за европски прашања Бојан Маричиќ во Дневникот на МТВ.
Тој додаде дека ќе биде спомената ситуацијата со Судскиот совет, за кој и државата покани оценска мисија од ЕУ за да креира препораки кои државата ќе може да ги спроведе.
„Сигурен сум дека ќе има забелешки и за спроведување на законите, за владеење на правото, но тоа е битката на преговорите. Скринингот покажа дека имаме капацитет, затоа и правиме патокази, од кои едниот е за владеење на правото. Нема слабост што не може да ја исправиме додека траат преговорите“ рече Маричиќ.
Вицепремиерот додаде дека е оптимист за изшветајот на Европската комисија кој треба да излезе на 8 ноември и рече дека државата овој извештај го сфаќа реално и како повик и план за акција.
