Вчера, во 18 часот, во СВР Скопје било пријавено дека на автопатот Велес – Скопје, кај клучката Хиподром, патничко моторно возило „дачија логан“, со скопски регистарски ознаки, управувано од 82-годишниот Ц. Д. од Скопје, излетало надвор од коловозот, извести МВР.
„Во несреќата тешки телесни повреди добил возачот, а телесни повреди добила сопатничката В. И. (75) од Скопје, констатирани во комплексот клиники ‘Мајка Тереза’ и во Градската општа болница ‘Св. Наум Охридски’“, соопшти МВР.
Извршен бил увид од екипа на СВР Скопје.
