На денешен ден во 2007 година во сообраќајна несреќа на автопатот Загреб – Белград кај Нова Градишка загина македонскиот пејач Тоше Проески, еден од најпопуларните пејачи од поранешна Југославија.
Кариерата како поп пејач Тоше ја започна на 15 години, на фестивалот „Макфест“. Во 1999 година го издаде својот прв албум „Некаде во ноќта“ и го одржа својот прв солистички концерт. Музичките критичари го нарекоа пејач со ангелски глас. Тој сними големи хитови во дуети со Гота Тржан, Есма Реџепова, Тони Цетински и Антонија Шола, која за него го напиша можеби најголемиот хит „Срце није камен“.
Тоше никогаш не ги заборави своите македонски корени, а на македонската народна музика и го посвети албумот „Божилак“ на кој е највпечатливата изведба на песната „Зајди, зајди, јасно сонце“.
Во 2003 година ја добива наградата Мајка Тереза за бројните хуманитарни настапи. Како амбасадор на добра волја на УНИЦЕФ, тој им помагаше на децата. Неговата песна „Овој свет“, снимена во 2004 година, стана химна на УНИЦЕФ.
