Маричиќ после средбата со Вархеји: 2030 е амбициозен но достижен датум, заеднички работиме на таа цел.
„2030 е амбициозен но достижен датум, заеднички работиме на таа цел.
Иднината на политиката за проширување е отворена и поставена е цел за која треба и државите од Западен Балкан и ЕУ да се подготвиме и да ја достигнеме, е заклучокот од работниот состанок со комесарот на ЕУ за соседство и проширување, Оливер Вархеји.
Кај земјите членки на ЕУ постои политичка волја и обединетост за европската перспектива на целиот регион.
Вархеји порача да го задржиме фокусот на процесот на преговори со ЕУ и на реформите заради македонските граѓани кои заслужуваат да живеат во европска и просперитетна држава.
ЕУ веќе има суштински предлози, со таканаречениот план за раст кој вистински ќе ја забрза не само институционалната, туку и економската интеграција.
Целта е да го забрзаме проширувањето и до 2030 да успееме сите да ги исполниме обврските, за да го завршиме обединувањето на Европа и да ја обезбедиме нејзината стабилност и развој.“ – напиша Бојан Маричиќ на Фејсбук.
