„Нашата борба, на оваа генерација е да го исполниме аманетот на Илинден, АСНОМ и НОБ, да обезбедиме подобра иднината за нашата убава татковина. Тоа е политичката борба за европска иднина. Ги добивме досега сите битки со државничките политики на СДСМ и проевропската коалиција“, истакна премиерот Димитар Ковачевски на обраќање на народен собир во Прилеп, с.Селце.
Тој потсети дека во 1991-та година е обезбедена независноста. Во 1993-та година државата стана членка на Обединетите нации. Во 2016-та година беше совладан режим. Во 2017-та година се обнови демократијата. Во 2020-та година станавме членка на НАТО. Во 2022-та година започнавме преговори со ЕУ, по цели 17 години од добиениот кандидатски статус при што македонскиот јазик, идентитет, култура, посебност се заштитија, а Македонскиот јазик е на исто рамниште со јазиците на земјите членки на ЕУ.
„Затоа ние, македонските социјалдемократи со гордост велиме дека го исполнивме аманетот на Блаже Конески, на џинот од Небрегово. Тоа е патриотизам, да го сочуваш јазикот, идентитетот, традицијата, културата, да го обезбедиш во Европа и светот“, потенцираше Ковачевски.
„А оние од опозицијата, кои великанот Коневски го нарекуваа „џуџето од Небрегово“, кои лажеа дека ќе имало асимилација и бугаризација ниту го поддржаа договорот од ФРОНТЕКСТ во Собранието ниту пак Законот за македонски јазик“, заклучи Ковачевски.
