Претрес во Демир Хисар, пронајдени пушки и муниција, приведено едно лице

Вчера, во Демир Хисар, полициски службеници од криминалистичката полиција на СВР Битола го лишиле од слобода 61-годишниот Г. Ц. од Демир Хисар, извести МВР.

„При претрес во неговиот дом и помошните простории, извршен со судска наредба, биле пронајдени и одземени ловечка пушка ‘бајкал’ во калибар од 12 мм, воздушна пушка во калибар од 4,5 мм и 17 куршуми во калибар од 12 мм“, соопшти МВР.

Лицето било приведено во полициска станица и по целосно документирање на случајот, против него ќе биде поднесена соодветна пријава.