„Здружувањето во европскиот Фронт, не е за партиски пребројувања или групирања, не е за поделба на фотелји, директори или лични амбиции. Европскиот фронт е за да ги заштитиме интересите на нашите граѓани, државните интереси и да ја обезбедиме европската иднина на земјата. Затоа што без европска интеграција ќе следува долгогодишна изолација, стагнација и неизвесност, истакна претседателот на СДСМ Димитар Ковачевски по повод 11-октомври.
Тој отворено повика на здружување во заедничката битка за европска иднина.
„Да успееме како што успеале нашите предци, заедно. И ќе успееме. Затоа што се работи за најважното, иднината на нашата убава татковина. Северна Македонија ќе биде европска држава. Блокадите ќе бидат поразени. Затоа што никој не сака неизвесност, изолација и економска стагнација“, потенцираше Ковачевски.
Граѓаните сакаат економски напредок, повисоки плати, подобар живот во европска држава. Затоа ќе победиме. СДСМ ќе го даде победничкиот кандидат на претседателските избори наредната 2024 година и СДСМ ќе ја формира иднината европска Влада, заклучи Ковачевски.
